ബെംഗളൂരു : ഗ്രാജ്വേറ്റ്സ് ആൻഡ് ടീച്ചേഴ്സ് മണ്ഡലങ്ങളിൽ നിന്നുള്ള ലെജിസ്ലേറ്റീവ് കൗൺസിലിലേക്കുള്ള തിരഞ്ഞെടുപ്പ് കണക്കിലെടുത്ത് ജൂൺ 13 ന് കർണാടക സർക്കാർ പല ജില്ലകളിലും സ്കൂളുകൾക്കും കോളേജുകൾക്കും അവധി പ്രഖ്യാപിച്ചു. വിജയപുര, ബാഗൽകോട്ട്, ബെലഗാവി, മൈസൂരു, ചാമരാജനഗര, മാണ്ഡ്യ, ഹാസൻ, ധാർവാഡ്, ഹവേരി, ഗദഗ്, ഉത്തര കന്നഡ എന്നീ ജില്ലകളിലാണ് അവധി പ്രഖ്യാപിച്ചിരിക്കുന്നത്.
സർക്കാർ എയ്ഡഡ്, അൺ എയ്ഡഡ്, പ്രൈവറ്റ് സ്കൂളുകൾ, കോളേജുകൾ, സംസ്ഥാന, കേന്ദ്ര സർക്കാർ ഓഫീസുകൾ, ഫാക്ടറികൾ, ദേശസാൽകൃത, സ്വകാര്യ ബാങ്കുകൾ, സഹകരണ സംഘങ്ങൾ തുടങ്ങി എല്ലാ സ്ഥാപനങ്ങളിലെയും ബിരുദധാരികൾക്കും അധ്യാപകർക്കും അവരുടെ വോട്ട് രേഖപ്പെടുത്താൻ ജൂൺ 13 ന് ഒരു ദിവസത്തെ അവധി നൽകണമെന്നും സർക്കാർ അറിയിച്ചു.
നാല് ലെജിസ്ലേറ്റീവ് കൗൺസിൽ സീറ്റുകളിൽ മൂന്നിടത്തേക്കുള്ള തെരഞ്ഞെടുപ്പിൽ ഭരണകക്ഷിയായ ബിജെപിയും പ്രതിപക്ഷമായ കോൺഗ്രസും നേരിട്ട് മത്സരിക്കും, നാലാമത്തെ സീറ്റിൽ ജനതാദളും (എസ്) മത്സരിക്കും.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
